Mitt í blóðugum niðurskurði á Landspítalanum verð ég að játa að mér lýst vel á Hjartamiðstöð LSH og fyrirhugaða sameiningu legudeilda hjartasjúklinga þ.e. 14G og 14E.  Reyndar hef ég oft velt því fyrir mér hvað það er í raun undarlegt að þessar deildir hafi verið aðskildar til þessa.
Ég hélt satt best að segja að nú ætti bráðamóttakan að vera sameinuð í Fossvogi en samkvæmt þessu þá er það ekki alveg þannig.  Ég get ekki betur séð en að nú verði bráðamóttökur  tvær hvað varðar hjartasjúklinga og það er út af fyrir sig áhyggjuefni og satt best að sega dálítið ruglandi.
Alla vega get ég ekki skilið þetta öðruvísi en þannig að ef þú ert svo óheppin að fá hjartaáfall um helgi eða eftir klukkan 20 á kvöldin og fyrir 8 á morgnana  þá verði að leita til bráðamóttöku í Fossvogi. 
Ef þetta er réttur skilningur hjá mér er þetta í sjálfu sér afleit staða þrátt fyrir góða viðleitni. Ég geri mér grein fyrir því að sjálfsagt er verið er að reyna með þessari aðgerð að koma til móts við ábendingar þeirra sem hafa haft uppi efasemdir um að bráðmóttaka í Fossvogi og hjartaþræðingartæki á Hringbraut séu góð hugmynd
Það er ekki nokkur vafi að fyrir þá sem fá hjartaáfall á opnunartíma hjartamiðstöðvarinnar er þetta gott mál og þjónusta við þá væntanlega til fyrirmyndar.
Í ljósi reynslunnar hef ég hinsvegar verulegar áhyggjur af þeim sem hugsanlega koma inn í Fossvog utan opnunartíma hjartamiðstöðvarinnar og þurfa tafarlausa aðhlynningu.

Á umliðnum árum þekki ég dæmi um brjóstverkjasjúkling sem kom inn í Fossvog  og var veitt fyrsta aðhlynning þar og síðan fluttir niður á Hringbraut. Þessi sjúklingur lenti í alvarlegum skaða vegna tafa á réttri greiningu og meðhöndlun. Ástæða þessa  var sú að gögn annaðhvort  skiluðu sér ekki  með sjúklingum eða það sem er öllu verra, gögnin ekki lesin og yfirfarinn af þeim starfsmönnum sem tóku á móti sjúklingnum við Hringbraut.  Einnig veit ég um tilfelli þar sem pappírar og gögn hafa horfið með öllu og gefur auga leið að slíkt er ekki gott.

Ég verð því að taka breytingum þessum með fyrirvara og vonast til þess að stjórnendur LSH útskýri þetta betur fyrir almenningi þannig að engin velkist í vafa um hvert hann á að fara og þá á hvaða tímum. Það hlýtur eftir allt alltaf að bjóða hættunni heim að vera með bráðmóttöku á tveim stöðum og þá sérstaklega þegar brjóstverkjasjúklingar eiga í hlut.

Århus 05.03.2010

Björn Ófeigsson

• Bæta við
• Leita

Athugasemdir (0)

Skrifa athugasemd

Upplýsingar um þig:

Nafn:

Netfang:

Athugasemd:

Titill:

Skilaboð:

Öryggisatriði

Vinsamlegast skrifaðu öryggis-kóðann sem þú sérð í myndinni hér fyrir ofan.